JOSEPH MBILINYI ‘SUGU’ ASEMA BUNGE LILINAJISIWA

Mbunge wa Mbeya mjini Mh.Joseph Mbilinyi au ‘Sugu’ amesema kwamba  Naibu Spika, Mheshimiwa Job Ndugai alilinajisi Bunge kutokana na kitendo chake cha kuita askari ambao hawaruhusiwi kuingia ndani ya Bunge kikanuni, na taratibu na kisheria.

Vurugu zikifanyika Bungeni

Ameyasema hayo wakati alipokuwa akihojiwa na idhaa ya Kiswahili ya redio Ujerumani DW kuelezea kwa ufupi kile kilichotokea siku ya tarehe 5 Alhamisi wiki iliyopita.

Alisema kwamba, Waziri Lukuvi ambaye ni mwakilishi wa serikali Bungeni na Mwanasheria Mkuu walikuwa wameshapewa dakika 40 kuelezea mambo yao, lakini Kiongozi wa upinzani Bungeni alipojaribu kutafuta nafasi ili atoe ufafanuzi kwa faida ya Taifa, Naibu spika alikuwa mkali na kumzuia kwa kuwa alijua anachokifanya.

“Baada ya kumzuia, haijapita hata dakika 2 anaanza kuita askari, na siyo tu askari wa Bunge, siku ile Bunge lilinajisiwa kwa maana kwamba aliruhusu askari ambao hata wanje…” Alisema.

Aliendelea kusema kwamba, Wabunge wote wa upinzani wakiwemo NCCR, CUF na CHADEMA waliamka na kwenda “kumprotect” mwenyekiti wao asidhalilishwe kitoto namna ile lakini kwa sababu anazozijua yeye mwenyewe Naibu spika, alimlenga Sugu tu na kuamuru akamatwe na atolewa nje.

Akitolea ufafanuzi juu ya jina lake la utani ‘Sugu’  alisema Watanzania wanaelewa maana yake ni nini, na wala siyo kwamba lina maanisha ni mkaidi. “Sugu siyo sugu ya kupigana ngumi, sugu ni sugu ya kung’ang’ania kitu, kukomalia kitu, yaani ninapoona kitu hakipo sawa huwa sikubali kilaini”. Alimalizia Mheshimia Sugu. 

Tweet