DIAMOND PLATNUMZ ATOA SOMO LA UWEKEZAJI BAADA YA KUONYESHA MJENGO WAKE

Nyumba ya Diamond Platnumz katika pozi tofauti

Baada ya kuzungumza yanayomhusu katika kipindi cha ‘Take one’ cha Clouds TV, Diamond Platnumz ameposti kwenye ukurasa wake wa Instagram picha ya nyuma yake anayojenga.

Diamond ambaye katika mahojiano hayo na mtangazaji Zamaradi Mketema alisema thamani ya nyumba hiyo hivi sasa ni zaidi ya shilingi billioni moja, ameposti picha ya ‘bangaluu’ lake jipya na ujumbe muhimu kwa wapenda starehe, “Toa kitu weka kitu…! Ndivyo tulivyofunzwa…starehe tunawaachia wajanja wa mjini….Wasafi for the …life!” aliandika ujumbe huo wa kuhamasisha kuwekeza ya badala ya kuponda tu maisha.

“Mi naiogopa sana kesho ndiyo maana nawekeza. Kila pesa ninayopata nakata asilimia ngogo sana kwa ajili ya matumizi muhimu na nyingine naweka benki” alisema Diamond kumwambia Zamaradi. Nyota huyo wa Ngololo Dance pia aliifananisha gari yake ya Toyota Prado aliyosema ameinunua kwa sh. Milion 59 kuwa ni sawa makubadhi.

“Nilikuwa nina pesa za kutosha wakati nainunua ile Prado, kuna wengine walisema kwanini unachezea pesa , unatoa kiasi chote hicho, lakini ukweli ni kwamba wakati nainunua nilikuwa na pesa hivyo ilikuwa ni sawa na nimeenda kununua sendos tu” alisema Diamond.

Wanaomfuatilia kwenye ukurasa wake  wengine walimpongeza lakini mmoja aliandika “Hiyo ni nyumba ya kawaida mno, kwa pesa nyingi ulizokuwa nazo”

Chanzo cha picha: Teamtz .com

Tweet