MASANJA MKANDAMIZAJI: PESA HAZIJANISAHAULISHA DHIKI, WOLPER ARUDIA TENA UKRISTO AACHA UISLAMU

Jackline Wolper 'Diva wa filamu Bongo'

Masanja Mkandamizaji asema, Pesa haziijanisahaulisha dhiki na Wolper kubadili imani kutoka Uislamu na kurudi Ukristo ni baadhi tu ya habari zilizochukua uzito katika moja ya magazeti ya leo hii Jumatano ambalo ni SANI.

Staa huyo wa kundi la vichekesho la Original Komedi, Emmanuel Mgaya maarufu kama Masanja Mkandamizaji amefunguka na kukiri kuwa kwa sasa anao uwezo mkubwa kimaisha ingawa haumfanyi akasahau shida alizopitia na ambazo jamaa aliosota nao kipindi cha nyuma wanazipata.

Masanja amesema kwamba  usanii umemfanya kumiliki mjengo wa kisasa na magari kadhaa ambapo ana uwezo wa kubadili mboga lakini hakuna anachoogopa kama kufilisika na kurudi tena kwenye umasikini.

 

Emanuel Mgaya "Masanja Mkandamizaji"

Naye nyota mwingine katika maswala ya filamu mwanadada Jackline Wolper, ‘Diva wa filamu Bongo’  anadaiwa kubadili imani yake ya dini ya kiislamu  na kurudia Ukristo dini aliyokuwa zamani kabla ya kusilimu. Inasemekana na marafiki zake wa karibu kwamba siku ya Jumapili alionekana katika kanisa moja la KKT huko Kijitonyama huku akiwa ameshikilia biblia mkononi.

Kwa habari hizo kwa undani na nyinginezo nyingi za kusisimua, tafadhali jipatie nakala ya gazeti lako la SANI Burudisho la Wasomaji siku ya leo tarehe 6 Novemba 2013.

Tweet