MTAHINIWA FORM IV AVUNJA CHUMBA CHA MTIHANI AKITAKA KUIBA PAPER YA KEMIA

Mwanafunzi wa kidato cha nne ambaye ni mtahiniwa mwaka huu wa  2013, Simon Kahamba (18) amebambwa na askari wanaolinda mitihani hiyo, baada ya kumshitukia akiwa tayari ameshabinjukia ndani ya chumba cha kuhifadhia mitihani kwa lengo la kuiba ‘paper’ mtihani wa kemia.

Tukio hili lilitokea jana Wilayani Shinyanga vijijini  katika shule ya sekondari Ibisera, iliyopo katika Tarafa ya Ibisera baada ya askari kumkuta mwanafunzi huyo tayari amekwisha vunja kufuli moja la kabati la kuhifadhia mitihani hiyo ya Taifa. Askari walipomhoji  alisema yeye hamu yake kubwa ilikuwa ni ‘paper ya kemia’, mtihani wa chemistry pekee, aliokuwa akitamani kuuiba.

Uchunguzi wa tukio hili unaendelea na Kaimu kamanda wa polisi wilayani humo Kamanda Keenye ameiambia Radio Free Afrika kuwa mtahiniwa huyo wa kidato cha nne atafikishwa mahakamani mara tu uchunguzi utakapokamilika.

Tweet