MWANAFUNZI FORM ONE AMUUA DADAKE KAMA ALIVYOFANYA KAINI KWA ABELI

Picha hii ya mtandaoni (mfano) ikimuonyesha Kaini alivyokuwa akimuua ndugu yake Abel kwa wivu

Kisa kilichowastaajabisha watu wengi na kinachofanana kwa asilimia kubwa na kile kisa maarufu katika misahafu ya dini ikiwemo Biblia Takatifu cha Kaini na Abel kimetokea huko Wilayani Rungwe katika Mkoa wa Mbeya baada ya msichana mdogo, Faraja Itika  mwenye umri wa miaka 14 pekee na anayesoma Shule ya sekondari Mwakyusi katika kijiji cha Ipelo  kumuua dada yake, Pendo Abel  mwenye umri wa miaka 28 kutokana na sababu ya kumuonea wivu baada ya kuvuna mazao mengi ya viazi kumshinda ambapo mashamba yao yamepakana.

Faraja alimfuata dada yake shambani alikokuwa akivuna viazi kisha kwa kutumia kisu akamchoma shingoni na kufariki dunia palepale. Faraja alikuwa peke yake lakini baadhi ya wapitanjia waliposhitukia tukio hilo ndipo walipoamua kumkamata na walipomhoji alidai kwamba  kila anapolima mazao yeye hupata mazao kidogo wakati Pendo yeye hupata mazao mengi na hiyo ndiyo sababu anayodai ilimsukuma kumuua dada yake.

Ndu jamaa na marafiki wameshangazwa sana na tukio hili na wanasema linawatia aibu na fedheha kubwaa katika ukoo wao ukizingatia kwamba umri aliokuwa nao Pendo ni mara mbili ya ule aliokuwa nao Faraja isitoshe anategemewa na familia, wanasema kitendo hicho kitaleta laana kubwa katika ukoo wao. Kaimu kamanda wa polisi Mkoani Mbeya Robert Mayalla ametoa wito  kwa jamii kutatua migogoro  ya kifamilia kwa kukaa meza ya mazungumzo ili kupata suluhisho badala ya kujichukulia sheria mikononi, pia amesema kwamba  sheria itachukua mkondo wake  dhidi ya Faraja licha ya umri wake kuwa mdogo.

Katika vitabu vya dini tunaambiwa kwamba Kaini alimuua ndugu yake Abel baada ya wivu kama huo ambapo Mungu alipendezwa zaidi na sadaka alizotoa Abel hivyo kumbariki akawa anapata mazao mengi shambani kwake. Kaini kuona vile chuki na hasira zilimpanda akaamua kwenda kumuua kwa rungu na hapo ndipo Mwenyezi Mungu alipomshushia Kaini laana kubwa zaidi katika uzao wake.

Chanzo cha stori ni Radio Wapo Fm, Patapata.

Tweet