RAIS JK: TANZANIA HAITAJIONDOA JUMUIYA YA AFRIKA MASHARIKI

Rais wa Jamhuri ya Muungano wa Tanzania Jakaya Mrisho Kikwete (JK)

Rais Jakaya Mrisho Kikwete leo hii akihutubia Taifa kupitia Bunge la Jamhuri ya Muungano wa Tanzania, amesema kwamba Tanzania haitajitoa katika Jumuiya ya Afrika ya Mashariki licha ya Baadhi ya Mataifa ya Jumuiya hiyo hususan Kenya, Uganda na Rwanda kuonyesha dalili za kuitenga.

Alisema, “Kila siku tunasikia  eti kuwa baadhi ya viongozi hao walipoulizwa, kwa nini wenzenu hawapo, wakasema wao wametangulia tu lakini sisi wengine tutakapokuwa tayari tutajiunga nao. Yuko mmoja akasema ‘coallision of the willing’  yaani umoja wa wale waliokuwa tayari, sasa tunauliza,  hivi nani  hayuko tayari?. Rais aliongeza pia kwamba Tanzania ina uzoefu katika maswala ya muungano kutokana na kuwa katika muungano wa Tanganyika na Zanzibar.

Kuhusu Jamhuri ya Kidemokrasia ya Kongo, Rais Kikwete amempongeza Rais Joseph Kabila kutokana na kuwasambaratisha waasi wa M23  na pia amesema jukumu kubwa alilokuwa nalo Kabila sasa ni la kudumisha amani na kuziunganisha tena pande zilizokuwa zikihasimiana.

Amezungumzia pia suala la ujangili na kukumbushia operesheni  iliyoanzishwa  na serikali hivi karibuni ya kukabiliana na majangili wa wanyamapori hasa Tembo na Faru, na amesema kwamba serikali itaendelea na operesheni za mara kwa mara kumaliza  tatizo hilo.

Rais Kikwete, hii ni mara yake ya pili kulihutubia Bunge tangu aingie madarakani.

Tweet