RAISI WA MAREKANI JOHN F KENNEDY ALIVYOUWAWA KWENYE MSAFARA

Rais wa 35 wa Marekani John F Kennedy aliyeuwawa kwa kupigwa risasi kichwani.

“Raisi wa Marekani John F Kennedy ameuwawa kwa risasi” Hayo ndiyo maneno yaliyosikika kwenye Televisheni na radio nchini Marekani siku ya  tarehe 22 Novemba mwaka 1963 mjini Dallas Texas karibu na jengo maarufu la Dealey Plaza,dakika chache baada ya kijana mmoja mdunguaji aliyejulikana kwa jina la Lee Harvey Oswald kumlenga raisi huyo  kichwani kwa risasi huku yeye akiwa juu ya ghorofa.

Rais Kennedy wa 35 kuliongoza Taifa hilo lenye nguvu duniani alikuwa ndani ya gari yeye na mkewe Jacqueline pamoja na Gavana wa Texas John Connaly wakienda katika mkutano  kukutana na viongozi mbalimbali wa kiraia na kibiashara katika mji wa Texas, na yeye pamoja na makamu wake wa Rais Lyndon Johnson waliamua kutumia njia ya barabara kwa lengo la kuhamasisha wananchi kujitokeza kwa wingi zaidi.

Muuaji Lee Harvey Oswald baadaye ilibainika na tume  ya Warren kwamba Muuaji alitekeleza mauaji hayop peke yake pasipo kuhusika kikundi wala serikali yeyote kama ilivyokuwa imedhaniwa na wengi kwamba huenda labda Urusi, na Cuba waliokuwa mahasimu wakubwa wa Marekani walikuwa na mkono wao katika mauaji hayo.

Hata hivyo siku chache hata kabla ya muuaji kufikishwa kortini kwa mashitaka ya uhaini mtu mwingine naye Jack Rubby mmiliki wa klabu ya usiku, kutokana na uchungu wa kuuwawa kwa raisi wake naye aliamua kwa kutumia risasi kumuua Lee Harvey Oswald wakati akipelekwa mahakamani huko Dallas.Tukio hilo la kuuwawa muuaji wa Rais Kennedy lilikuwa likionyeshwa live katika  American Television.

Rais Kennedy ambaye jina lake kwa kirefu ni  John Fitzgerald Kennedy ,alikuwa ndiye Raisi aliyeingia madarakani akiwa na umri mdogo zaidi katika historia ya Taifa la Marekani akiwa na umri wa miaka 43 pekee amemzidi Obama kwa miaka 4 aliyeingia madarakani mwaka 2008 akiwa na umri wa miaka  47. Alizaliwa mwaka 1917 tarehe 29 May na  alichaguliwa kuliongoza Taifa la Marekani mwaka 1961 tarehe 20 mwezi Januari mpaka pale alipouwawa.

Leo ni maka 50 tangu kuuwawa kwa Rais Kennedy na maadhimisho yake yanafanywa katika eneo alipouwawa kwa umati wa watu kukusanyika Dealey Plaza. Raisi Obama ameamrisha bendera nchini humo kupeperushwa nusu mlingoti na kuuelezea utawala wa Kennedy kwamba ulikuwa katika kipindi ambacho vita baridi kati ya Marekani na Urusi vilishamiri huku Urusi ikiyapeleka makombora yake ya Nuklia katika visiwa vya Cuba enzi za Castro, vile vile kilikuwa ndiyo kipindi mapambano ya Wamarekani weusi dhidi ya ubaguzi wa rangi yalipokuwa yakipamba moto.

Tweet