SILAHA WALIZOACHA M23 NI ZA KUTISHA

Wachunguzi WA Umoja wa Mataifa nchini DRC ambao walifanya uchunguzi katika maeneo yaliyokimbiwa na waliokuwa waasi wa Jamhuri ya Kidemokrasia ya Congo wamesema kwamba wameshangazwa sana na idadi kubwa ya silaha walizoacha M23 baada ya kukimbia na kuziacha uwanja wa mapambano na kwamba ni lazima walikuwa wakipata ufadhili wa hali ya juu kutoka mahali fulani.

Wakati huo huo, Uganda  imesema  kuwa  haitawakabidhi  kwa  serikali  ya Jamhuri  ya  kidemokrasi  ya  Kongo  waasi  wa  kundi  la M23  ambao  wamekimbilia  nchini  humo  baada  ya kushindwa  na  majeshi  ya  Kongo. Msemaji  wa   jeshi  na wizara  ya  ulinzi,  kanali Paddy Ankunda,  ameliambia shirika  la  habari  la  AFP  kuwa  waasi  hao  si  wafungwa, ni  wanajeshi  ambao  wanakimbia  vita  na  kwa  hiyo Uganda  inawapokea  na  kuwasaidia  kwa sababu ni wajibu  wa  nchi  hiyo.

Ameongeza  kuwa  Uganda  pia imewakaribisha  wanajeshi  waliokimbia  kutoka  katika jeshi  la  Jamhuri  ya  kidemokrasi  ya Kongo mapema mwaka  huu. Kundi la M23 lililoundwa  miezi  18  iliyopita, ambalo Rwanda  na  Uganda  zinashutumiwa  kwa  kuliunga mkono, lilishindwa  na  jeshi  la  Kongo  ambalo  limekuwa likisaidiwa  na  majeshi  ya  Umoja  wa  Mataifa  siku  ya Jumanne  na  kutangaza  kuwa  limesitisha  operesheni zake  za  kijeshi. Jeshi  la  Uganda  limesema  jana  kuwa kiasi  ya  wapiganaji 1,500  wa  M23 wamevuka  mpaka  na kujisalimisha  nchini  humo.

  Chanzo: DW

Tweet