ZITTO KABWE, DR. KITILA MKUMBO PAMOJA NA SAMSON MWIGAMBA WATIMULIWA UONGOZI CHADEMA

Viongozi Wakuu wa Chadema

Chama Cha Kidemokrasia na Maendeleo CHADEMA leo hii kimewavua uongozi viongozi watatu wa chama hicho kwa makosa ya kugundulika waraka unaodaiwa ni wa kukisambaratisha chama vipande vipande na unaowashutumu mwenyekiti wa chama  Freeman Mbowe pamoja viongozi wengine waandamizi wa Chama hicho. 

Wanachama hao waliovuliwa uongozi ni, aliyekuwa Naibu Katibu Mkuu Bwana Zitto Kabwe, aliyekuwa Mwenyekiti wa Chama Mkoani wa Arusha,Samson Mwigamba na Mjumbe wa Kamati Kuu Dr.Kitila Mkumbo.

Mwanasheria wa CHADEMA Mheshimiwa Tundu Lissu

Maamuzi hayo yamechukuliwa na Kamati Kuu ya chama katika kikao cha siku mbili kilichofanyika katika ukumbi wa Ubungo Plaza jijini Dar es salaam. Mwanasheria wa chama hicho Mheshimiwa Tundu Lissu akizungumza alidai kwamba katika waraka huo alitajwa mtu kwa jina MM ambaye ndiyo Naibu Katibu mkuu Zitto Kabwe, M1 ni Dr Kitila Mkumbo, M3 ni Samsoni Mwigamba na M2 bado hakujulikana ambaye ni mtumishi wa makao makuu ya Chama.

Waraka huo uliopewa jina la  la Waraka wa ushindi  umedaiwa na Mheshimiwa Lissu kwamba  unavunja katiba ya Chama kwa sababu umepandikiza chuki za kidini, majungu na kukashifu viongozi wa Chama kinyume na katiba ya CHADEMA. Ameendelea kusema kwamba tuhuma zote zilizoko katika waraka huo hazijawahi kuwasilishwa rasmi katika kikao chochote halali cha chama, kinyume na matakwa na masharti ya katiba ya chama cha CHADEMA.

CHANZO CHADEMABLOG

Tweet