ZITTO NA ANACHOKWENDA KUSEMA KWA WATANGAZAJI WA HABARI...!

Ndugu zangu,

Kuna habari kubwa leo; mkutano wa Zitto na Dr. Kitila Mkumbo na Watangazaji wa habari.

Wengine sisi ni wadadisi na wachambuzi wa habari. Kuna wanaotuita wachunguzi wa mambo. Na ndio kazi ninayoifanya sasa.

Naam, nimesoma ya magazetini na michango ya mitandaoni kuhusiana na sakata la Zitto na chama chake, Chadema.

Nionavyo, Chadema kwa sasa iko kwenye ' Civil War'- Ni vita yake ya ndani, lakini, kuna walio nje ya Chadema wanayoifuatilia kwa karibu sana vita hii, ikiwemo ' Watani' wao wa jadi, CCM.

Na CCM hawana hata kimoja cha kuiombea heri Chadema kwenye vita hii ya ndani ya chama hicho. Anayefikiri vingine hazijui siasa za nchi hii.

Kuna mawili yanayoweza kutokea kwenye ' Civil War' hii ya Chadema; Mosi, kuwa yaweza kuwa mwanzo wa mwisho wa Chadema au mwanzo wa mwisho wa Zitto Kabwe. Ni mwanzo wa mwisho wa Chadema kama chama kikuu cha upinzani. Ni mwanzo wa mwisho wa Zitto kama kiongozi anayeshimika na makini kwenye siasa za upinzani na harakati za kuleta mabadiliko ya kimsingi nchini. Hii ni vita isiyo na matokeo ya kutoka sare, lazima mshindi apatikane.(P.T)

CREDIT: MJENGWABLOGU

Tweet