DHANA YA FREEMASON NA ILLUMINATI YATAWALA KIFO CHA MUIGIZAJI PAUL WALKER HUKO MAREKANI

Paul Walker muigizaji wa
Fast &Furious iliyotarajiwa
kutoka July 2014 enzi za Uhai wake

Imekuwa ni  kawaida siyo hapa Tanzania tu bali hata Dunia nzima anapokufa ghafla mtu maarufu iwe ni msanii, mwanasiasa au hata wanamichezo, basi watu inawawia vigumu sana kuamini na kukubaliana na hali halisi. 

Hutafuta kila aina ya sababu ni kwa nini kifo kimetokea na hawaamini kabisa kama watu maarufu ni watu wa kawaida ambao huweza kupatwa na jambo lolote ambalo mwanadamu mwingine wa kawaida huweza kupatwa.

Imewahi kutokea hapa kwetu Tanzania Vifo kama vile vya akina Mwalimu Julius Nyerere, Steven  Kanumba, Sharo Millionea na wengineo wengi. Ziliibuka dhana na tetesi za kila aina, nyingine zikihusisha Freemason, Illuminati, na kila aina ya mawazo yasiyoweza kuthibitika katika hali ya kawaida. Dhana kama hizo pia zimekuwa zikiibuka katika nchi zilizoendelea kama Marekani na Ulaya na wakati mwingine kupata nguvu sana.

Kifo cha msanii, nyota wa kuigiza filamu, nchini Marekani Paul Walker kilichotokana na ajali mbaya ya gari, nacho kimeibua minongono kwamba Iluminati wamehusika katika kifo hicho, kwenye mitandao mbalimbali zimewekwa hadi video zinazoelezea dhana hiyo, tazama video hii hapa chini. Lakini ukweli utabakia palepale  tu kwamba hakuna mwanadamu asiyeonja umauti na Mwenyezi Mungu hawezi kukuchagulia njia atakayokuondoa duniani hata uwe maarufu kiasi gani. 

Tweet