SIKILIZA NA KUDOWNLOAD WIMBO MKALI PHENOMENE WA MBILIA BEL ALIOTOA AKIWA NA RIGO STARR BAADA YA KUACHANA NA TABU LEY 1987

ANGALIA VIDEO YAKE HAPA CHINI.

SIKILIZA AUDIO YAKE HAPA CHINI.

Wimbo huu Phenomene, Mbilia Bel aliutoa mwaka 1997 baada ya kuachana na marehemu Tabu Ley Rochereau na bendi yake ya Afrisa International mwaka 1987. Ni wimbo wa kwanza alioufanya akiwa huru kiusanii na ulifanya vizuri mno.

Mbilia Bel tangu mwaka 1981 alijiunga na Tabu Ley katika bendi yake ya Afrisa International ambapo kutokana na mvuto na uzuri wa ajabu aliokuwa nao mwanadada huyo waliweza kuliteka vilivyo anga la muziki katika Bara zima la Afrika na nje ya bara hilo kwa muziki wao wa Rhumba iliyochanganyika na Sokous hali iliyosababisha hata bendi kongwe na maarufu kama TP OK JAZZ kuanza kupoteza mvuto na mashabiki waliokuwa nao awali.

Mrembo Mbilia bel

Katikati ya miaka hiyo ya 80, Mbilia bel na Tabu Ley Rochereau waliamua rasmi kuoana na kuishi kama mume na mke huku wakiendelea kufanya kazi ya muziki pamoja mpaka pale ndoa yao hiyo ilipokuja kuingiliwa na ‘kidudu mtu’ mwaka 1987.

Akiwa na Tabu ley

Kama ilivyokuwa kawaida kwa ndoa zote Duniani, matatizo yalitokana na wivu wa kimapenzi baada ya Tabu ley kuamua kumleta kimwana mwingine mrembo (naye pia alikuwa mkali..!) kwenye bendi aitwaye Kishila Ngoyi au kwa jina ka usanii Faya Tess kwa madai ya kwamba amsaidie Mbilia Bel katika safu ya uimbaji. Hakuna kosa kubwa alilofanya Tabu Ley kama hilo, hakujua kama, ‘mwanamke huweza huvumilia maudhi yote lakini siyo kumletea na kumuonyesha mwenzake hasa ikiwa ni mzuri kama yeye au kumshinda’.

Mbilia Bel akaanza kujawa na wasi wasi, labda Mzee Tabu anatoka out na Kishila kinyemela, ndipo mapenzi na kazi vikaishia palepale. Aliachana na Afrisa International pamoja na Tabu Ley akatimkia jijini Paris alipokwenda kujiunga na mpiga gitaa maarufu Rigo Starr Bamundele ambapo albamu yao ya kwanza ilikuwa ni hii Phenomene na ilipata mafanikio makubwa.

Rigo Starr Bamundele

Afrisa International ya Tabu Ley baada ya kuhama kwa Mbilia Bel ilidorora na hata idadi ya albamu zilizotoka ilipungua sana kutokana na Tabu Ley mwenyewe kukosa ile ari aliyokuwa nayo kabla, vile vile kukosekana kwa mvuto wa Mbilia bel ambao mashabiki kote Barani Afrika na nje walikuwa wameuzoea.

Picha hizi mbili hapa chini ni Mbilia bel alipokuja Tanzania na kufanya onyesho pale uwanja wa New World Cinema Mwenge jijini Dar. akiwa na Fally Ipupa.Picha na Michuzi blog.