WAONE "MAJAJI WA BSS" YA ULAYA/MAREKANI NI KAMA KINA MADAM RITA, SALAMA JABIR, KITIME NA MASTER J.

Majaji BSS, Madam Rita Paulsen, Salama Jabir na Master J

“The X Factor  ” ni mfululizo wa  mashindano ya kusaka vipaji vya uimbaji yanayofanyika nchini Uingereza na Marekani, mfano wa Bongo star Search, na yaliyoasisiwa na Producer maarufu wa Televisheni aliye pia mjasiriamali mkongwe Simon Phillip Cowell chini ya kampuni yake ya Syco

Nchini Uingereza yalianzishwa mwaka 2004 wakati nchini Marekani yalikuja kuanzishwa mwaka 2011 Septemba 21, mashindano haya hufanyika kuanzia miezi ya August/Septemba mpaka kufikia mwezi Desemba na kama ilivyokuwa ‘Bongo Star Search’ hapa Bongo mashindano haya hutawaliwa na mbwembwe za aina mbalimbali hasa za majaji wanaofanya kazi ya kuangalia ni nani anayestahili  kupita miongoni mwa washiriki. Huonyeshwa katika luning za ITV ya Uingereza, na TV3 ya Ireland kwa upande wa "The X Factor USA” Marekani mashindano haya huonyeshwa katika Televisheni za Fox, CBS, SONNY  na SYCOTV

Mmiliki wa “The X Factor, Simon Cowell”

Mshindi kwenye “The  X factor”  hupatikana kwa kupigiwa kura na watazamaji wa Televisheni kupitia simu na Intaneti na hatimaye mshindi huja kuzawadiwa fedha taslimu pamoja na kupewa mikataba ya kurekodi katika Lebo ya Cowell mwenyewe.

Ukiwataza majaji wake wakiongozwa na Simon Cowell mwenyewe ni kama vile walivyokuwa   kina Madam Rita, Master J.(Joachim Kimaro), Salama Jabir, na Kitime. Cowell ambaye ndiye Jaji mkuu na mmiliki wa mashindano haya, amewahi pia kuwa jaji katika mashindano mengineyo mengi  yakiwamo, ‘Pop Idol’, ‘Americans Got Talent’ nk.

Cowell akiwa na Jaji mwenzake Cheryl Cole

Kama Jaji , Cowell anafahamika sana kwa ukosoaji wake wa washiriki uliojaa lugha kali na hata wakati mwingine kutukana, hali inayozua mjadala mkubwa. Pia anafahamika kwa umahiri wake katika shughuli za Kimuziki na Televisheni. Amewahi kuibua vipaji vya wasanii wngi wa muziki na watangazaji wa runinga, vilevile amewahi kutajwa mmoja kati ya watu 100 wenye ushawishi zaidi Duniani mwaka 2004 na 2010.

Chanzo mitandao mbalimbali na wikipedia

Tweet