TSH.54,500 ZILIVYOMDHALILISHA DIAMOND HARUSI YA P SQUARE

Habari na Gazeti pendwa la TANURU LA FILAMU toleo la Dec.3

Mwanamuziki mkali wa Bongo Flava Naseeb Abdul, ‘Diamond Ngololo Master’ wiki mbili zilizopita alikuwa kikaangoni kwenye jamii baada ya kutupia kivazi kilichoonekana kumdhalilisha zaidi ya kumpendeza, ilikuwa ni katika harusi ya mmoja wa ndugu wawili wa kundi la P Square anayetambulika kama Peter Okoye.

Kwa kuvaa vazi hilo (suruali ya zebra) Diamond aliambulia kashfa karibu wiki nzima ambapo kwa kujibu kashfa hizo alifananisha kuvaa huko na mwanamuziki Whiz Khalifa ambapo pia wakali wa mavazi waliweka wazi kuwa  amechemka kujifananisha huko.

Wengi walimshauri  awe na mtaalamu wa mavazi badala ya kujiamulia kuvaa tu. Baada ya kuwa gumzo karibu wiki nzima, gazeti hili liliingia madukani kuulizia bei ya suruali hiyo mpaka isababishe kumdhalilisha mkali huyo wa ‘mawazo’ “Hii suruali ndugu yangu tunauza kwa shilingi 55,000/­-, imepungua sana tutakuuzia kwa sh. 54,500/-, Alieleza John Ndeshau ambaye ni mfanyabiashara maeneo ya Posta. 

Gazeti hili halikuridhika, na kufanya ‘reseach’ katika maduka takribani matano na kugundua bei inacheza katika hizohizo tulizoambiwa awali.,

Kwa mantiki hiyo Diamond inawezekana akawa amenunua nguo hiyo kwa kiasi hicho cha fedha ambapo ilimsababishia karaha wiki nzima.

Tweet