UKIMWONA SIMBA KALOWA MVUA USIDHANI NI PAKA

Mnyama Simba akinyeshewa mvua huku amejikunyata utafikiri ni paka vile

Mengi yalisemwa na mashabiki wa pande zote mbili Yanga na Simba, kila mmoja akijitutumua kwamba ni lazima mechi ya leo angeibuka na ushingi, lakini kauli ninayoikumbuka vizuri zaidi ni hii ya shabiki mmoja wa Timu ya  Simba aliyekuwa akiwaambia wenzake, mashabiki wa timu ya yanga kwamba “Usimuone Simba kalowa ukadhani ni paka atakurarua”

Jamaa huyo alikuwa akijibu mashambulizi ya wapinzani wake waliokuwa wakijitapa kuwa Simba ya sasa si lolote si chochote kwani imegubikwa na migogoro isiyoisha, wachezaji wana njaa, na wachezaji kama kina Okwi na Juma Kaseja waliokuwa Simba zamani wakaja kuhamia Yanga wangeweza kufanya maajabu kwa kuiadhibu Simba kama mtoto mdogo. Matokeo yake imekuwa “vais vesa” kumbe hakuwa paka ni Simba yule yule wa siku zote.

Tweet