ROSTAM AZIZ BILIONEA TAJIRI NAMBA MOJA TANZANIA 2014, WA PILI NI MOHAMED DEWJI, ‘FORBES’

Kwa mujibu wa Jarida la Marekani la Forbes lililotoka mwishoni mwa mwaka huu, Mfanya biashara maarufu  nchini, Rostam Aziz(50) ndiye tajiri anayeshilkilia nafasi ya kwanza kwa sasa hivi nchini Tanzania. Taarifa hizo zilianza kutoka juzi.

Rostam alishika nafasi hiyo huku katika matajiri wa Afrika nzima akishikilia nafasi  ya 27 akiwa na utajiri unaokadiriwa kufikia Dola za Kimarekani bilioni moja sawa na Shilingi za Kitanzania trilioni 1.6  Hii ni mara yake ya tatu Mbunge huyo wa Igunga kuingia katika orodha ya matajiri 50 wa Afrika tangu mwaka 2011 aliposhika nafasi ya pili baada ya Said Salim Bakhres kuwa namba 1. Dr. Reginald Mengi alikuwa wa tatu akifuatiwa na Ali Mafuruki. Mwaka jana pia Rostam Aziz kulingana na jarida hilohilo alishikilia nafasi hii hii aliyoshika mwaka huu.

 ROSTAM AZIZ  ‘BILIONEA NUMBER  ONE IN TANZANIA’

Aliyekamata nafasi ya pili mwaka huu ni Mbunge wa Singida mjini Mohamed Dewji au ‘MO’. Mo  safari hii amempiku Reginald Mengi kwa kuwa katika nafasi ya pili Tanzania huku akishika nafasi ya 31 Afrika nzima kwa utajiri wa Dolla za Kimarekani milioni 800, mwaka jana Dewji alikuwa sawa na Bakhresa kwa kushika namba 3, Tanzania Na namba 38 Afrika wote wakiwa na utajiri wa Dola nusu Bilioni sawa na shilingi za Kitanzania Bilioni 783.

Rostam Aziz kwa mara ya kwanza kabisa anaingia katika orodha ya Mabilionea wa Dunia kwa kumiliki utajiri wa Dola bilioni moja na zaidi.

Bakhresa mwaka huu anashikilia nafasi ya tatu Tanzania wakati katika Bara la Afrika yupo namba 44 kwa utajiri wa dola za kimarekani milioni 575. Mzee Reginald Mengi ameshikilia nafasi ya 4 kwa Tanzania, huku katika Bara la Afrika akishika namba 45 akiwa na utajiri  wa Dola za Kimarekani zipatazo milioni 560.

Jarida hilo la Forbes linaripoti kuwa Utajiri wa Rostam Aziz umetokana na biashara  ya mawasiliano hasa ya simu za mkononi ya Vodacom ambapo anamiliki hisa asilimia 35%.Vvilevile anamiliki biashara za uchimbaji wa madini na ujenzi.

Katika Afrika tajiri namba moja ni Aliko Dangote aliyeshika nafasi hiyo kwa muda mrefu sasa, akifuatiwa na familia ya Johanny Ruppet wa Afrika ya Kusini, wa tatu ni Nick Oppenheimer wa Afrika ya Kusini pia. Wa nne ni mwanamke mtoto wa rais wa Angola,  Isabel Dos Sntos ambaye pia ndiye mwanamke tajiri kuliko wote katika Bara la Afrika.

Wiki mbiuli zilizopita taarifa kutoka kartika jarida jingine liitwalo  Ventures Afrika lilitoka na matokeo ya utafiti wake uliosema kwamba Bilionea namba moja Tanzania ni Mohamed Dewji akifuatiwa na Rostam Azizi.Deji pia alitajwa kuwa bilionea kijana zaidi Barani Afrika akimiliki utajiri wa Dola za Kimarekani Bilioni 2 sawa na sh. trilioni 3 za kitanzania klwa mujibu wa jarida hilo la ‘Ventures Africa’

Tweet