HOTUBA YA RAIS OBAMA KWA WAAFRIKA ALIPOKUWA (AU) ETHIOPIA

Akifunga ziara yake ya kihistoria Rais Barack Obama wa Marekani leo siku ya jumanne amewataka viongozi wa Bara la Afrika kuweka kipaumbele katika kutengeneza ajira mpya na fursa kwa vijana  vinginevyo wahatarishe fursa nzuri za kiuchumi za baadae kwa mizozo na kutokufuata sheria.

Amesema  “jukumu la haraka” la kutengeneza ajira kwa idadi ya watu inayotegemewa kuongezeka kufikia watu bilioni 2 katika miongo ijayo, “litakuwa ni jukumu gumu”. Lakini alisema linaweza likafikiwa kwa msaada wa Marekani.

“Afrika itahitaji kutengeneza  mamilioni ya ajira zaidi kushinda inavyofanya  sasa” Obama alisema alipokuwa akilihutubiaBara zima la Afrika katika Makao Makuu ya Umoja wa Afrika (AU) Addis Ababa Ethiopia. 

Amesema  “jukumu la haraka” la kutengeneza ajira kwa idadi ya watu inayotegemewa kuongezeka kufikia watu bilioni 2 katika miongo ijayo, “litakuwa ni jukumu gumu”. Lakini alisema linaweza likafikiwa kwa msaada wa Marekani.

Rais Barack Obama akihutumia umoja wa Afrika AU mjini Addis Ababa Ethiopia

“Afrika itahitaji kutengeneza  mamilioni ya ajira zaidi kushinda inavyofanya  sasa” Obama alisema alipokuwa akilihutubia Bara zima la Afrika katika Makao Makuu ya Umoja wa Afrika.

“Uchaguzi utakaofanywa leo ndio utakaoamua ni njia ipi Afrika ipite na hatimae Dunia katika miongo mingi ijayo” Alisema Obama ambaye anaonekana na Waafrika wengi kama mtu wao. Hii ni mara ya kwanza kabisa kwa Raisi wa Marekani aliyekuwa madarakani kuhutubia Umoja wa Afrika. Hotuba hiyo pia inahitimisha ziara yake ya siku 5 Barani Afrika ambayo hapo awali aliitembelea Kenya, nchi ya baba yake alikozaliwa.

Obama pia aliwataka viongozi wa Afrika kuzifanya nchi zao ziwe kivutio zaidi kwa wawekezaji kutoka nje kwa kusafisha rushwa, kuruhusu uhuru wa kidemokrasia, kuunga mkono haki za kibinadamu na kuondoka madarakani kwa amani na kwa hiyari pindi muda wao wa kukaa madarakani unapomalizika.

Obama ambaye muda wake uliobakia wa kukaa madarakani unaelekea ukingoni, amewaambia; “Sielewi mantiki ya viongozi wanaokataa kuondoka madarakani pale muda wao unapomalizika” Alitoa mfano kwa kiongozi wa Burundi aliyerudi madarakani katika uchaguzi uliozua gumzo kutokana na muda wake kuwa ulikuwa umemalizika.

“Kuna mambo mengi ambayo ningependa kuyafanya kuifanya Marekani kusonga mbele. Lakini sheria ni sheria na hakuna aliyekuwa juu yake, hata ikiwa ni Raisi” Obama amesema.

Ameahidi pia kuendelea kutoa usaidizi wa mafunzo na misaada mingine katika mapambano dhidi ya ugaidi unaoendelea barani Afrika, na makundi kama, Al-qaeda, Islamic State, Al-shabab na Boko haram. 

Alisema Dunia ni lazima ifanye zaidi katika kupambana na makundi hayo na ataandaa mkutano hapo September Umoja wa mataifa kutafuta uungwaji mkono zaidi kimataifa na vikosi vya kulinda amani.

Katika mkutano huo Obama alikaribishwa na mwenyekiti wa Tume ya Umoja wa Afrika  Nkosazana Dlamini-Zuma ambaye akimkaribisha, alimwambia ingawa wanamkaribisha kama Rais wa Marekani lakini wanamuona kama wakwao.

Awali Rais Barack Obama alikuwa Mjini Nairobi Kenya alipohudhuria Kongamano linalodhaminiwa na Marekani kuhusu maendeleo ya biashara na ujairiamali lakini pia alitumia fursa hiyo kukutana na ndugu zake upande wa baba akiwemo dada yake  Auma Obama na Bibi yake wa kambo Sara.

Obama baada ya kumaliza ziara hiyo ya kihistoria anatarajiwa kurudi jijini Washington mapema siku ya Jumatano.

Icheki na kuisikiliza hotuba hiyo nzima (full speech) hapa.

  

Tweet