Jinsi ya kuendesha biashara ya duka, kwa mtaji wa kauli nzuri kwa wateja.

Ikiwa leo hii tarehe 5 Oktoba ni kilele cha wiki ya huduma kwa wateja Duniani, wajasiriamali wale wadogo wanaochipukia au wale wasiokuwa na mitaji mikubwa wanapaswa wajitathmini juu ya namna wanavyotoa huduma zao kwa wateja wa biashara zao ikizingatiwa kwamba biashara ndogondogo nyingi hujiendesha kwa kurudisha faida inayopatikana kwenye mtaji ikiwa zitahitaji kukua na kuondoka pale zilipo.

SOMA: Makosa 12 yatakayofukuza wateja dukani kwako na kudhani umelogwa.

Kinyume chake ni biashara nyingi ndogo kuendelea kufa muda mfupi baada ya kuanzishwa kwake. Kitabu mahsusi cha biashara za rejareja hususani duka la rejareja, (MAFANIKIO YA BIASHARA YA DUKA LA REJAREJA), katika sura ya 1 ukurasa  wa  29 kimezungumzia miongoni mwa vitu vingine vingi namna bora ambao muuzaji au mmiliki wa duka la rejareja na biashara zote nyingine za rejareja anavyopaswa kuwahudumia wateja wake kwa weledi.

SOMA: Puuza imani na dhana hizi potofu ufanikiwe katika biashara yako ya duka la vyakula. 

Mteja anahitaji kukaribishwa vizuri mara anapotokea tu kwenye biashara hivi na si kuanza kuonyesha kukereka. Hata ikiwa ulikuwa unakula kitu kwa mfano, acha mara moja, kwanza pale kwenye biashara kipaumbele chako kikubwa siyo kula bali umekaa pale kwa ajili ya kuwahudumia wateja. Mwonyeshe  mteja tabasamu, kwa kifupi kabisa ni kwamba ndani ya sekunde 5 mpaka 10 unatakiwa tayari uwe umemwonyesha mteja kuwa unamjali. Mwisho mfungashie vizuri mteja kile ulichomuuzia kwa kutumia kifungashio kizuri na siyo bora kifungashio.

SOMA: Biashara ya duka inavyoweza kukutoa kimaisha ukiwa mjanja.

Acha kumwekea mteja vipingamizi na figisufigisu zisizokuwa na maana kama vile, “hamna chenchi” “sina kifungashio” “mkopo kasafiri”, “hili siyo duka la walevi” nk. tafuta maneno ya busara ya kuwaelewesha wateja kile unachotaka kuwaambia bila kuwakwaza ukizingatia kwamba mteja ni rasilimali kwako anaweza kuja kununua tena siku nyingine au kukuletea wateja wengine na hivyo kuihakikishia biashara yako ndogo mtaji wa uhakika. Hata ikiwa ni mlevi au haendani na imani au itikadi yako mwelekeze kwa upole aelewe na wala si kumdhihaki.

Tweet