KUFANIKIWA MALENGO YAKO, FOCUS KWENYE MFUMO (UTEKELEZAJI) NA SIYO KWENYE MATOKEO YA MWISHO

Mpenzi msomaji wa makala hii,

Natanguliza kwanza Pole kwa msiba uliotupata sisi sote kama Taifa la Tanzania. Natambua hali ngumu tunayoipitia sasa hivi lakini sina budi kusema chochote kama mtu ninayeandika makala za maendeleo na mafanikio ya watu. Hayati Rais wetu John Pombe Magufuli kwa kweli alikuwa ni Mwana Mafanikio aliyewavutia na kuwatia moyo watu wengi sana muda mfupi aliokaa madarakani kwa staili yake ya kufanya mambo kwa haraka na ubora wa kiwango cha juu.

 Kama utakumbuka makala zangu 2 zilizotangulia hii, ile ya,

JINSIYA KUTUMIA MAAJABU YALIYOPUNGUZA CORONA TANZANIA KUBUSTI UCHUMI WAKOUNAOSAMBARATIKA

 

na nyingine inayosema;

TULIKOSEAWAPI TANZANIA CORONA IKARUDI TENA KWA KASI HII?

Katika Makala hizi zote mbili kuhusianana na mapambano dhidi ya Covid 19, kipekee kabisa nilimhusisha Rais wetu Dr. John Pombe Magufuli na juhudi mbalimbali alizozichukua licha ya kelele nyingi hasi dhidi yake tokea Mataifa ya kigeni. Magufuli alidiriki kujisacrifice (kujitoa mhanga) maisha yake kwa ajili ya maendeleo ya Watanzania, amebeba lawama nyingi mno!, mafanikio bila gharama tungeliendelea kuyasikia kwenye bomba tu.

 

Masikini kumbe hata wengi hatukuwa na habari ya kuwa Rais alikuwa na tatizo la muda mrefu tena ambalo lilihitaji apumzike muda mwingi lakini yeye aliamua tu kuzunguka kila mahalali nchini, jamani huku si kujitoa mhanga? Ni nani ajuae ziara zake za mwisho Dar pamoja na stress za kufiwa na wasaidizi wake Balozi Kijazi na Maalim Seif pengine ndizo zilikuwa chanzo cha kuutibua Moyo wake uliokuwa tayari na hitilafu? Naandika haya si kwa nia nyingine yeyote ile, bali kuonyesha tu kiwango cha kujitoa mhanga Rais alichoonyesha kwetu.

 

Ndio maana mimi binafsi kwa kweli nachelea hata kumpa lawama yeyote ile mtu huyu kwa yale mambo ninayoamini hakuyafanya kwa usahihi uliotakiwa. Hakuna binadamu mkamilifu chini ya Jua lakini inapotokea mtu akafanya mambo mema mengi kuliko mabaya yake, basi yale mabaya hufutwa na yale mema.

 

Mungu ailaze Roho ya Mpendwa wetu Rais John Pombe Magufuli Mahali Pema Peponi AMINA.  

 

Dhana ya uwekaji malengo na utekelezaji wake kwa muda mrefu limekuwa ni suala lenye mijadala mirefu sana, wengine wakisema ni sahihi kujiwekea malengo lakini kundi jingine la watu likikataa katakata na kudai kujiwekea malengo maishani ni kujipotezea tu muda bure kwani baada ya muda mfupi kupita ile hamasa ya kutimiza malengo hayo huyeyuka ama kuishia njiani huku mhusika akirudia mambo yaleyale ya zamani aliyozoea kufanya. Mfano mzuri kundi hili hutumia malengo ya mwaka mpya yanayowekwa na watu wengi Januari lakini mpaka Machi - Aprili yameyeyuka yote.

Ikiwa kama kuweka malengo watu wengi huishia njiani sasa ndio kusema malengo hayafai kabisa kuwekwa? Jibu ni hapana, watu wataendelea tu kujiwekea malengo hata ikiwa ni wachache wanaofanikiwa kuyatimiza kama walivyoyaweka.

SOMA: Jinsi ya kupanga malengo ya biashara au maisha yanayotimizika kwa urahisi

Katika suala zima la kujiwekea malengo na hatimaye kuyatimiza kuna vitu viwili (2) muhimu sana ambavyo inatakiwa mtu kuvifahamu vizuri ikiwa atataka kuondokana na utata uliopo. Na hapa nitakwenda kuvielezea vitu hivyo huku nikionyeshana tofauti iliyokuwepo baina yake.

 

Malengo ni matokeo ya mwisho ya kile mtu unachotamani kukipata, lakini ili kukifikia unahitaji kwanza NJIA ya kukifikia(Mchakato) au kwa maneno mengine tunaweza tukasema ni ule utekelezaji wenyewe(MFUMO). Haiwezekani mtu ukaweka lengo kisha ukalifikia pasipokuwa na mchakato hapo katikati. Kwa kifupi vitu hivyo viwili nitaviita;

1.  MALENGO

2.  MFUMO

Ili kueleweka vizuri ni ipi tofauti kati ya Malengo na Mfumo hebu tuitazame mifano ifuatayo;

 

1) Tuchukulie mfano wewe ni Mjasiriamali

LENGO lako ni kumiliki biashara nzuri  ya mamilioni ya fedha

MFUMO wako ni mikakati yako mbalimbali ya Mauzo na ya Kimasoko

 

2) Tuchukulie mfano wewe ni Mtunzi wa Kitabu fulani

LENGO lako hatimaye ni kuandika kitabu kizuri

MFUMO wako ni ratiba ya kuandika utakayoifuata kila siku au kila juma

 

3) Tuchukulie mfano wewe ni Kocha/mwalimu wa mpira wa miguu(footboller)

LENGO lako ni kuchukua Ubingwa

MFUMO wako ni ratiba ya mazoezi ya timu yako unayoifuata kila siku

 

4) Tuchukulie mfano wewe ni Mwanariadha

LENGO lako hatimaye ni kuibuka kidedea(mshindi)

MFUMO wako ni ratiba yako ya mazoezi unayoyafanya kila siku, wiki au mwezi.

 

Duniani kitu cha kushangaza sana katika mambo haya mawili, Malengo na Mfumo ni kwamba Matokeo ya mwisho ndicho kitu ambacho kila mtu atapenda kukisikia na kusifia lakini siyo mchakato(Mfumo). Mchakato ni wewe peke yako utakayeusifia  na mfano mmoja ni pale mtu anapomaliza masomo iwe ni katika ngazi ya Cheti, Stashahada au Shahada.

SOMA: Ukitaka mafanikio ya haraka mwaka 2021, achana na mambo mengi komaa na siri hizi 2 tu

Dunia nzima itataka kujua umepata alama gani lakini hawataki kabisa kusikia mchakato wako uliokufikisha pale ulikuwaje, iwe ulifaulu kwa kufanya bidii au kuiba mtihani, ulifeli baada ya kuugua au kukosa pesa za ada na matumizi, hilo haliwahusu.

 

SASA MALENGO NA MFUMO NI KIPI MUHIMU ZAIDI YA KINGINE?

 

Vyote viwili ni muhimu, unaweza kujidanganya kwamba unashughulika na mfumo peke yake bila ya malengo lakini hilo haliwezekani, hivi ni vitu viwili vinavyotegemeana isipokuwa tu ni kwamba baada ya kuwa na malengo mtu unashauriwa usije ukazingatia na kuiweka akili yako yote kwenye matokeo ya mwisho ya lengo lako kabla hujalifikia, bali lenga na zingatia  zaidi mfumo(mchakato) ambao ndiyo utakaokuwezesha kuyafikia malengo uliyojiwekea.

SOMA:  Mzunguko mzuri wa fedha ndiyo njia bora zaidi ya kufikia malengo yako

Kwa mfano unaweza kuwa na malengo siku moja uwe umetunga kitabu, baada  ya kuwa na nia hiyo achana kabisa na matamanio hewa yasiyoisha ya kuwa mtunzi na badala yake sasa elekeza nguvu zako zote kwenye ratiba ya kuandika kidogokidogo hata ukurasa mmoja kila siku huku ukijisomea pia kidogokidogo mambo yanayohusiana na kile unachotaka kukiandika. Baada ya muda fulani kupita, utashangaa tayari umekamilisha kuandika kitabu chako.

 

Katika malengo yako unaweza ukajiwekea muda maalumu wa kuyatimiza, hilo ni sawa lakini pia hilo lisikuzuie wewe kuzingatia mfumo uliojiwekea. Ni sawa na kama ilivyo pia kwenye suala la kuandaa Mpango wa biashara vs kufanya biashara tu bila kuweka mpango wowote ule, ni vizuri kuwa na ramani ya kule uendako kabisa mkononi  lakini pia ukawa tayari kuachana nayo au hata kutokuifuata pale inapobidi kwani katika maisha ya binadamu hatuwezi kubashiri kwa asilimia 100% kile kitakachoweza kutokea wakati ujao hasa kwenye biashara.

SOMA: Jinsi mpango wa biashara unavyoweza kuongeza mafanikio ya biashara yako

Inawezekana katika mipango yako ulipanga hivi lakini ukaja kulazimika kufanya vile ili tu malengo yako yatimie lakini hii haiwezi kuondoa umuhimu wa kuweka mpango wa biashara kabla ya kuanza biashara yako.

 

Hatari za kuzingatia zaidi (focus) kwenye Malengo(Matokeo ya mwisho) kuliko Mfumo/mchakato

 

1.  HATARI:  Kunapunguza hamasa na furaha ya wakati uliopo. Unapoweka malengo ni kama vile unaifundisha akili yako kwamba utahamasika na kufurahi pale tu malengo hayo yatakapotimia. Mtazamo huu akilini mwetu huwa unatufanya tuahirishe hamasa na furaha zetu hadi pale malengo yatakapotimia jambo linalosababisha watu wengi kukichukia kitendo cha kujiwekea malengo.

 

SULUHISHO: Ukishayajua malengo yako ni yapi, jikite zaidi kwenye mchakato kwa kuifundisha akili yako kufanya hivyo

 

2.  Huongeza mzigo wa mawazo.

Mfano unapolenga kupunguza uzito kiasi fulani, kumiliki biashara ya milioni 50 au kukamilisha kuandika kitabu cha kurasa 500 baada ya mwaka 1, tunajiongezea tu msongo wa akili huku tukihofia namna tutakavyoweza kukamilisha  malengo hayo, hofu inachukua nafasi ya muda ambao ulitakiwa tuchape kazi.

 

SULUHISHO: Badala yake mtu unashauriwa kumega kidogokidogo hilo lengo kila siku mpaka umelikamilisha huku ukifurahia mchakato huo wakati uleule ukiwa unafanya.

 

3.  Wakati mwingine huondoa furaha ya kudumu.

Si mara zote kutimiza malengo kunaweza kukupa furaha ya kudumu. Hebu fikiria mwanariadha anaweza kufanya mazoezi ya kufa mtu ili kupata ushindi lakini mara tu anapofanikiwa kuchukua kikombe na mchezo unakuwa umeishia hapo, hafanyi tena mazoezi. Na hii pia ipo kwa wanafunzi wa mashule na vyuo, wakishafanya mtihani wa mwisho tu hivi ni basi, madaftari, vitabu na kalamu tupa kule, hamna hamasa tena ya kujifunza.

 

SULUHISHO: Malengo ni ya muda mfupi lakini Mfumo ni wa muda mrefu(Maisha)

 

Pamoja na hayo yote si kama malengo hayana maana hapana, ila malengo ni mazuri pale unapopanga mipango yako lakini Mfumo ndio utakaosaidia wewe kupiga hatua mbele. Unapaswa kuviangalia vitu hivi 2 kama Kuku na Yai, kila kimoja kikimtegemea mwenzakie ingawa kuku(mfumo) unapaswa kuzingatiwa muda mwingi zaidi kuliko yai(lengo). Kuna mazingira mengine lakini kuzingatia sana mfumo nako kunaweza kumfanya mtu aishie kutokulifikia lengo alilokusudia ndio maana mahali fulani nikasema hivi;

 “beba ramani yako lakini ukiona mahali fulani njiani haifanyi kazi basi achana nayo kwani hiyo  siyo msahafu, isije ikakupotezea muda wako mwingi bure ukachelewa kulifikia lengo ulilokusudia ”

 

…………………………………………………..

OFFA KUBWA YA VITABU NA MICHANGANUO YA BIASHARA !

Kuanzia tarehe 20/3/2021 mpaka tarehe 27/3/2021 mtu atakayejiunga na MASTERMIND GROUP la MICHANGANUO-ONLINE atapewa kitabu cha MICHANGANUO YA BIASHARA NA UJASIRIAMALI pamoja na OFFA ya vitu vingine vifuatavyo;

 

 

             1.     KITABU cha MICHANGANUO YA BIASHARA NA UJASIRIAMALI (New special edition 2021) –cha kiswahili

 

             2.     KITABU mashuhuri zaidi duniani, HOW TO WRITE A BUSINESS PLAN, ndio kinachotumika vyuo vikuu vingi duniani.-cha kiingereza

 

             3.     Semina nzima ya siku 7 na mpango kamili wa biashara ya usagishaji nafaka –unga wa dona(USADO Milling))-kwa kiswahili

 

             4.     Kifurushi cha michanganuo 3 ya ufugaji wa kuku(MKOMBOZI CHICKS PLAN 3PACKS) kuku wamayai, kuku wa nyama na kuku wa kienyeji-yote ni kwa kiswahili

 

             5.     Mchanganuo kamili wa kilimo cha Matikitimaji (KIBADA WATERMELON BUSINESS PLAN)-kwa kiswahili

 

             6.     Mchanganuo wa biashara ya Mgahawa(JANE RESTAURANT) –kwa Kiswahili & kiingereza

 

             7.     Mchanganuo kamili wa Biashara ya kiwanda cha tofali za sementi (KILUVYA Bricks)-kwa Kiswahili

 

             8.     Mchanganuo kamili wa Biashara ya Chipsi (AMANI CHIPS CENTRE)-kwaKiswahili

 

             9.     Somo maalumu la Mzunguko chanya wa fedha kwako binafsi na kwa biashara yako-kwa kiswahili

 

           10.   Vielezo(Templates) za michanganuo ya biashara vinayokuwezesha kuandika michanganuo kwa muda mfupi. Kwa Kiswahili & kiingereza

 

 

           11.   Mchanganuo mfupi wa biashara ya Steshenari (One page Business plan) (NEEMA STESHENARY) -kwa Kiswahili

 

           12.   Vipengele / (Outlines) vya Mpango wowote ule wa Biashara kwa kiswahili na kwa kiingereza. Hata ikiwa hujui kabisa kuandika business plan unaweza kuvifuatisha ukaandika.

 

           13.   Kuungwa group la Michanganuo la mentorship mwaka mzima 2021 (MICHANGANUO-ONLINE) unaweza kuuliza swali lolote lile muda wowote kuhusu michanganuo na ujasiramali kwa ujumla

Thamani halisi ya Package hii ni sh. Laki mbili (200,000/=) lakini mimi nakupatia kwa shilingi elfu 10 tu !. Lipia kabla ya March 27, 2021 kupitia namba zetu, 0765553030 au 0712202244 jina ni PETER AUGUSTINO TARIMO. Ukishalipa tuma ujumbe watsap au sms ya kawaida usemao; “NIUNGANISHE NA MASTERMIND GROUP2021 NA OFFA YA VITU 13”

 

Katika Group la Masomo ya kila siku Watsapp  utajifunza masomo yenye maudhui ya FEDHA usiyoweza kuyapata mahali kwingine kokote pamoja na kupata access ya kupakua(download) masomo zaidi ya 70 ya fedha yaliyokwishafundishwa katika group siku za nyuma. Kupakua masomo unatakiwa kuwa na app ya TELEGRAM kwani yapo katika Channel yetu maalumu kwa ajili hiyo.

 

Ikiwa hutumii Watsapp wala Telegramu unaweza kujipatia OFFA hii kisha tukakutumia kupitia E-mail yako kila kitu.

 

Unaweza pia kujipatia vitabu vyetu vingine mbalimbali vifuatavyo;

MICHANGANUO YA BIASHARA NA UJASIRIAMALI                    

BEI SH. 20,000/= HARDCOPY, 10,000/= SOFTCOPY

MAFANIKIO YA BIASHARA YA DUKA LA REJAREJA

BEI SH. 10,000/= HARDCOPY. 5,000 SOFTCOPY

3. MIFEREJI 7 YA PESA NA SIRI MATAJIRI WASIYOPENDA KUITOA

BEI SH. 5.000/=  HARDCOPY, 3,000/= SOFTCOPY

MAWASILIANO: SIMU/WATSAPP: 0765553030 au 0712202244

Tweet